Ten plagues in Egypt and their gods, मिश्रमा आएका १० विपत्तिहरू | Mangal Bahadur Tamang

 

मिश्रमा आएका १० विपत्तिहरू

प्रस्थानको पुस्तक, एतिहासिक र इश्वरशास्त्रीय हिसाबले महत्व बोकेको पुस्तक हो। यसले उत्पतिको पुस्तकमा परमेश्वरले पुर्खाहरूलाई (अब्राहाम, इसाहाक, याकुब) दिनुभएको एकतर्फिय करारको सत्यतालाई जोड्ने काम गर्दछ। साथै, उहाँको यस प्रतिज्ञालाई पूरा गर्न परमेश्वरले कुन हदसम्म आफूलाई प्रस्तुत गर्नुभयो भन्ने कुरा स्पष्ट देखिन्छ। यसको महत्वपूर्ण प्रस्तुतिकरणको शुरूवात, यहोवा परमेश्वरले मिश्र देशमा ल्याउनुभएको विपत्तिहरूबाट देखिन्छ। मिश्रका यी विपत्तिहरू केवल त्यहाँका फारोको विरूध्दमा थिएन। यसका साथै, त्यस देशका मानिसहरूले देवता भनेर पुजेका देवहरूका विरूध्द पनि थिए। हरेक विपत्तिहरू, मिश्रका देवहरूमाथी पनि प्रहार हो। त्यसकारण, विपत्तिहरूको अध्ययन गर्दा, त्यहाँका कुन देवहरू कुन विपत्तिहरूसँग सम्बन्धित छ भन्ने विषयमा अध्ययन गर्नु एकदमै सहयोगी हुन्छ। 

Source: Biblestudytools.com

यही यहि विपत्तिहरू र त्यससँग सम्बन्धित मिश्रका देवीदेवताहरूका नामहरू र कार्यहरू तलको तालिकामा दिएको छ।

मिश्रमा आएका १० विपत्तिहरू

यहोवा र फारो

यहोवा र मिश्रदेशका इश्वरहरू

सङ्ख्या	विपत्तिहरू	मिश्रदेशका देवहरू	टिप्पणीहरू
१	रगतको विपत्ति प्रस्थान ७:१४-२५	हापी – नील नदीको अmत्मा ख्नम – नदीको संरक्षक ओसिरिस – उनको रक्तप्रवाह नदी	मिश्रीहरूले नक्कल गरेका गोशेन पर्वतमा माछाहरू मरेका
२	भ्यागुतोको विपत्ति प्रस्थान ८:१-१५	हापी      भ्यागुतकाको देवी हेक        प्रजननसँग सम्बन्धित	मिश्रीहरूले नक्कल गरेका गोशेन पर्वतमा
३	भुसुनाको विपत्ति प्रस्थान ८:१६-१९	सेव – पृथ्वी देव	नक्कल गर्न नसकेका गोशेन पर्वतमा परमेश्वरको औँलाद्वारा भएका
४	झीँगाको विपत्ति प्रस्थान ८:२०-३२	उवातचित – उडान देव	इस्राएली र मिश्री छुटाएका इस्राएलीहरूमाथी कुनै विपत्ति अmउँदैन
५	गार्इबस्तुमा विपत्ति प्रस्थान ९:१-७	प्ताह, म्नोस           साँढे, गोरू र हाथोर, अमोन     गार्इ देव	सम्पतिमा असर जीवजन्तुहरूको मृत्यु
६	खटिराको विपत्ति प्रस्थान ९:८-१२	सेखमेट – महामारीको देवी सेरापिस, इमहोतेप  चङ्रगार्इ देव	शरिरमाथी असर मोशाको उपस्थितीमा रहन सक्दैन
७	असिनाको विपत्ति प्रस्थान ९:१३-३५	नुत – अmकाश देव अइसिस र सेत – कृषि देव शु – वातावरण देव	इतिहासमा पहिलो पटक फारोको पश्चाताप र पछि फेरी मन फेरेका
८	सलहको विपत्ति प्रस्थान १०:१-२०	सेरापिया –  सलहबाट संरक्षक देव	फारोले सम्झौता गर्न चाहेका सम्झौता इन्कार गरेका फारोले फेरी पश्चाताप गरेका
९	अन्धकारको विपत्ति प्रस्थान १०:२१-२९	रे, अमोन रे,अतेन, अतुम, होरेस  -सुर्य देव तोत – चन्द्र देव	मध्यदिनमा अन्धकार गोशेन पर्वतमा उज्यालै
१०	जेठा जन्मेकाहरूमा विपत्ति प्रस्थान १२:२९-३६	राजा, जनता र जन्तुहरूका जेठाको मृत्यु सबै देवी देवताहरूको हार	निस्तार चाडको स्थापना इस्राएलका जेठाहरू बचेका सबै जेठाहरू परमेश्वरमा समर्पित

 

पढ्नुहोस् :  प्रस्थानको पुस्तकको रूपरेखा 

                पूरानो करारमा भएका परमेश्वरका नामहरू

अचम्मको उपाहार - ख्रिष्टमस । Mangal Bahadur Tamang

 

ख्रिष्मसको उपलक्ष्यमा, तपाईहरूलाई शुभकामना स्वरूप केही ख्रिष्मस सम्बन्धी अत्यन्त महत्वपूर्ण प्रश्न र उत्तरहरूलाई लिएर आएको छु। आज हामी, 'ख्रिष्टमसमा सबैभन्दा अचम्मको उपाहार के हो?' भन्ने विषयलाई हेर्ने छौँ। 

हामीले विभिन्न अवसरहरूमा विभिन्न उपाहारहरू पाएका हुन्छौँ। ती मध्ये तपाईको लागी बिर्सनै नसक्ने, अचम्मको उपाहार के हो? यस्तै अचम्मको उपाहार को विषयमा आज म बताउने छु। यो उपाहार हामी सबैको लागी हो। हिजो मैले एक जोडीको बारेमा कुरा गरें जो बुढाबुढी भइसकेका थिए तर पनि सन्तान थिएन। तर ई परमेश्वरले सन्तान दिने खबर दिनुभयो जुन जकरियाले पत्याउन सकेनन्। आज यसको ठिक उल्टो एक जवान युवतीको बारेमा हेर्नेछौँ।  उनि पनि परमेश्वरको दृष्टिमा धर्मी स्त्री थिइन्। भर्खरै मात्र उनको मगनी योसेफसँग भएको थियो। सायद अब आफ्नो विवाहको लागी तयारी गर्दै थिए होलान्। विवाह पछाडी हुने परिवारको बारेमा सोचेर वा योजना बनाएर बसेका थिए होलान्।

यस्तैमा स्वर्गदूत देखा पर्दछ। स्‍वर्गदूतले तिनीकहाँ गएर भने, “हे कृपा-पात्र, तिमीलाई अभिवादन! परमप्रभु तिमीसँग हुनुहुन्‍छ।” तर तिनी त्‍यस कुराले साह्रै विचलित भइन्‌, र यो कस्‍तो किसिमको अभिवादन हो भनी मनमा सोच्‍न लागिन्‌। स्‍वर्गदूतले तिनलाई भने, “नडराऊ, मरियम, किनभने तिमीले परमेश्‍वरबाट कृपा पाएकी छ्यौ। अब हेर, तिमीले गर्भधारण गर्नेछ्यौ, र एउटा छोरो जन्‍माउनेछ्यौ, र तिमीले उहाँको नाउँ येशू राख्‍नेछ्यौ। उहाँ महान्‌ हुनुहुनेछ, र परमप्रधानका पुत्र कहलाइनुहुनेछ, र परमप्रभु परमेश्‍वरले उहाँलाई उहाँका पुर्खा दाऊदको सिंहासन दिनुहुनेछ। उहाँले याकूबको वंशमाथि सदासर्वदै राज्‍य गर्नुहुनेछ, र उहाँको राज्‍यको अन्‍त्‍य हुनेछैन।”

मरियमले स्‍वर्गदूतलाई भनिन्‌, “यो कसरी हुन सक्‍छ, किनकि म एक कन्‍या हुँ।” स्‍वर्गदूतले तिनलाई जवाफ दिएर भने, “पवित्र आत्‍मा तिमीमा आउनुहुनेछ, र सर्वोच्‍चका शक्तिको छाया तिमीमाथि पर्नेछ। यसैकारण जो जन्‍मनुहुनेछ, उहाँ पवित्र, अर्थात्‌ परमेश्‍वरका पुत्र कहलाइनुहुनेछ। हेर, तिम्री नातेदार एलीशिबाले पनि तिनको वृद्धावस्‍थामा छोरो गर्भधारण गरेकी छिन्‌, र जो बाँझी कहलाइएकी थिइन्‌, तिनी अहिले छैटौँ महिनामा छिन्‌। किनकि परमेश्‍वरको निम्‍ति कुनै कुरा असम्‍भव छैन।”

अनि मरियमले भनिन्‌, “हेर्नुहोस्‌, म परमप्रभुकी दासी, मलाई तपाईंको वचनअनुसार होस्‌।” तब स्‍वर्गदूत तिनीबाट बिदा भए।

कस्तो अचम्मको अभिवादन हो यो? एक कन्याको जीवनमा विवाहबिना समाजले स्विकार गर्न गारो अवस्था उसको जीवनमा हुनेछ। तर यो यस्तो अनोठो र अचम्मको उपाहार थियो कि उनी द्वारा जन्मिने बालक केवल उनकै लागी मात्र नभएर सबै संसारको लागी थियो। किनभने संसारले मुक्तिदाता पाउँदैछ। मुक्तिदाता यस संसालाई पापबाट मुक्तिदिन आउँदैहुनुहुन्छ। संसारले परमेश्वरको पाउको छुवाई पाउनेछ। अनि मानिसहरूले परमेश्वर हामीसँग हुनुको अर्थ के हो भनि बुझ्नेछ। मरियमको लागी यो एक अचम्मको उपाहार थियो। त्यसैगरी येशू ख्रिष्ट संसारको लागी अचम्मको उपाहार हो। मेरो लागी उहाँ अचम्मको उपाहार हो। तपाईको लागी पनि येशू ख्रिष्ट अचम्मको उपाहार हो।

 

विश्वास सिक्ने दिन - ख्रिष्टमस । Mangal Bahadur Tamang

 

ख्रिष्मसको उपलक्ष्यमा, तपाईहरूलाई शुभकामना स्वरूप ख्रिष्टमस सम्बन्धी अत्यन्त 

महत्वपूर्ण प्रश्न र उत्तरहरूलाई लिएर आएको छु। आज हामी, 'जकरियाको जीवनबाट 

अविश्वास हैन विश्वास गर्न सिकौँ' भन्ने विषयलाई हेर्ने छौँ। 

Source: images.metmuseum.org

हामीहरू अफ्नो दुखलाई कतिपय अवस्थामा यति ठूलो देख्छौँ कि परमेश्वरले खुशीको कुरा सुनाउनु हुँदा खेरी पनि पत्याउन गारो लाग्छ। जकरियालाई पनि त्यस्तै गारो भएको थियो। त्यसको फलस्वरूप यूहन्नाको जन्म नभए सम्म उनी गूँगो हुनु पर्यो।

खासमा कुरा के थियो त? जकरिया एक पुजाहारी थिए। उनको पत्नी एलिशिबा थिइन। दुबै जना परमेश्वरको अघि धर्मी ब्यक्तिहरू थिए। परमेश्वरको वचन पालन गर्ने र उहाँको भय मान्ने जिवन भएकोले परमेश्वरको अगाडी उनीहरू निर्दोष र असल जोडी थिए।

तर बुढाबुढी हुञ्जेलसम्म पनि छौँ उनीहरूको कोख बाँझो थियो। सन्तानको लागी उनीहरूले निक्कै कोशिष गरे। उनीहरूले परमेश्वरसँग प्रार्थना गरे, उपवास बसे, र निरन्तर प्रभुसँग गुहार मागे। तर पनि परमेश्वरबाट उनीहरूले चाहे अनुसारको कुनै उत्तर पाएन। शायद उनीहरूको अब नानी हुने उमेर पनि ढल्किसक्यो। उनीहरू पनि अब त हामी सन्तान बिनै मर्नु पर्ने भयो। हाम्रो सन्तान र नाम हामीमा नै समाप्त हुने भो भन्ने सोचेर बसेको हुनुपर्दछ।

Source: allendalebaptist.org

यस्तैमा एकदिन मन्दिरमा गएर धुप बाल्ने पालो जकरियाको पर्यो। त्यस बेला अरू धेरै 

मानिसहरू मन्दिर वरिपरि प्रार्थना गर्न भेला भएका थिए। जब जकरिया धुप बालिरहेका 

थिए, साथैमा उनले परमेश्वरका एकजना दूतलाई देखे। त्यस दूत जकरियाको नजिकै 

उभिरहेका थिए। जब जकरियाले उनलाई देखे, जकरिया अत्तिए र डराए। किनकी 

जकरियाले यस अघि पनि मन्दिरमा काम गरेका थिए र जिन्दगी भर कुनै समयमा 

पनि स्वर्गदूतलाई देखेका थिएनन्। 

तर दूतले तिनलाई भने, “नडराऊ जकरिया, किनभने तिम्रो प्रार्थनाको सुनाइ भएको छ। 

अब तिम्री पत्‍नी एलीशिबाले तिम्रो निम्‍ति एउटा छोरो जन्‍माउनेछिन्‌, र तिमीले तिनको 

नाउँ यूहन्‍ना राख्‍नू। तिमीलाई रमाहट र आनन्‍द हुनेछ, र धेरै जना तिनको जन्‍ममा 

रमाउनेछन्‌। किनभने तिनी परमप्रभुको सामुन्‍ने महान्‌ हुनेछन्‌। तिनले दाखमध र अरू 

कुनै पनि मध कहिल्‍यै पिउनेछैनन्‌, र आफ्‍नी आमाको गर्भदेखि नै तिनी पवित्र आत्‍माले 

भरिपूर्ण हुनेछन्‌। तिनले इस्राएलका सन्‍तानहरूमा धेरैलाई तिनीहरूका परमप्रभु परमेश्‍वरतिर फर्काउनेछन्‌।बाबुहरूका मन छोरा  छोरीहरूतिर र अनाज्ञाकारीहरूलाई धर्मीहरूको बुद्धितिर फर्काउन र प्रभुको निम्‍ति योग्‍य तुल्‍याइएको एक जाति तयार पार्न उहाँको अगि तिनी एलियाको आत्‍मा र शक्तिमा जानेछन्‌।”

तब जकरियाले दूतलाई भने, “यो मैले कसरी जान्‍ने? म बूढ़ो भएँ र मेरी पत्‍नीको उमेर 

पनि ढल्‍किसकेको छ।” स्‍वर्गदूतले तिनलाई भने, “म गब्रिएल हुँ, म परमेश्‍वरको सामुन्‍ने 

उभिरहन्‍छु। तिमीसँग  कुरा गर्न र यो खुशीको समाचार सुनाउन म पठाइएको हुँ। जुन 

दिनसम्‍म यी कुरा पूरा  हुँदैनन्‌, तबसम्‍म तिमी गूँगो हुनेछौ र बोल्‍न सक्‍नेछैनौ, किनभने 

तिमीले मेरा वचनमाथि विश्‍वास गरेनौ, जुन वचन आफ्‍नो समयमा पूरा हुनेछन्‌।” (लुका १:५-२०)

विश्वास गर्ने कि अविश्वास? धेरै पटक हामी हाम्रो दुखमा यति डुबिपठाउँछौँ र अगाडी नै 

निर्णय गरि पठाउँछौँ कि अब केही हुनेवाला छैन। सबै खत्तम भयो भन्ने बिचार अउँछ। 

यस्तो बिचारले थिचेको मनले परमेश्वरबाट नै अउने खुशीको खबरलाई पत्याउन गारो 

पार्छ। अहिले हामी कोरोनाको चपेटामा परिरहँदा, यतिखेर हामीले कति पटक 

यसलाई यति ठूलो मानिरहेका हुन्छौँ कि, मुक्तिदाताको जन्ममा अनन्द मनाउन समेत 

नसकिरहेका हुन्छो। तर जकरियाबाट हामीले यो सिकेका छौँ कि हाम्रो समस्यालाई त्यत्ति 

ठूलो पनि नबनाउँ कि परमेश्वरबाट आएको खुशीको खबरलाई नै हामी अविश्वास 

गर्नुपरोस।